A Red, Red Rose (Monday Poem)

by Robert Burns


O my Luve is like a red, red rose
That's newly sprung in June;
O my Luve is like the melody
That's sweetly played in tune.

So fair art thou, my bonnie lass,
So deep in luve am I;
And I will luve thee still, my dear,
Till a' seas gang dry.

Till a' seas gang dry, my dear,
And the rocks melt wi' the sun;
I will love thee still, my dear,
While the sands o' life shall run.

And fare thee weel, my only luve!
And fare thee weel awhile!
And I will come again, my luve,
Though it were ten thousand mile.


from The Death of the Hat: A Brief History of Poetry in 50 Objects, selected by Paul B. Janeczko, 2015, Candlewick Press